Каля цэркваў і касцёлаў на святы заўсёды стаяць міліцыянты. Яны не толькі ахоўваюць парадак, але і вядуць падлік тых, хто пераступае ганак храму. Наколькі можна гэтым дадзеным давяраць, пытанне адкрытае. 

Паводле дадзеных Міністэрства унутраных спраў, Раство паводле новага стылю ў каталіцкіх храмах адзначылі каля 240 тыс. чалавек (летась гэтая лічба складала 236 тыс., у т.л. 7 тыс. у г. Мінску), а Раство паводле юліянскага календара ў праваслаўных храмах на начной імшы - каля 254 тыс. чалавек (летась адпаведная колькасць удзельнікаў была 134 тыс. чалавек, у т.л. 9 тыс. у г. Мінску).

Атрымліваецца, што за год, колькасць удзельнікаў набажэнстваў сярод каталікоў вырасла на 4 тыс. чалавек, а сярод праваслаўных на 120 тыс. чалавек, амаль у два разы.