|
Як паведамляецца ў журнале №115 пасяджэння Св. Сінода БПЦ, у лютым 2010 г. адбудзецца сустрэча Св. Сіноду з Прэзідэнтам Рэспублікі Беларусь А. Лукашэнкам.
Якія пытанні будуць абмеркаваныя на сустрэчы, пакуль не вызначана, але Св. Сінод пастанавіў, што епархіяльныя епіскапы мусяць падрыхтаваць пералік пытанняў да 4 студзеня 2010 г.
Прэзідэнт сустракаецца з членамі Сіноду штогадова, звычайна выказваючы ўдзячнасць Праваслаўнай Царкве за падтыманне міжканфесійнай стабільнасці ў краіне, а таксама згадваючы пра матэрыяльную дапамогу Царкве з боку дзяржавы. Святы Сінод жа часцей за ўсё выступае з просьбамі да кіраўніка дзяржавы, у першую чаргу гэтыя просьбы тычацца матэрыяльнай дапамогі на пабудову тых ці іншых храмаў (у першую чаргу, сабора ў г. Мінску ў гонар іконы Божай Маці "Ўсіх тужлівых Радасць"), выкладання праваслаўя ў школах і інш.
| 
