Мітрапаліт Філарэт святкуе 50 гадоў архірэйства

Сення спаўняецца 50 гадоў з дня пасвячэння Ганаровага Экзарха ўсяе Беларусі мітрапаліта Філарэта (Вахрамеева) ў епіскапскі сан. 24 кастрычніка 1965 г. ён быў пасвечаны ў епіскапа Ціхвінскага, вікарыя Ленінградскай епархіі падчас Боскай літургіі ў Троіцкім саборы Аляксандра-Неўскай лаўры. Богаслужэнне здзейснілі мітрапаліт Ленінградскі і Ладажскі Нікадзім (Ротаў), архіепіскап Пермскі і Салікамскі Леанід (Палякаў), архіепіскап Херсонскі і Адэскі Сергій (Пятроў), архіепіскап Мінскі і Беларускі Антоній (Мельнікаў), епіскап Кіраўскі і Слабадской Ян (Іваноў), епіскап Валагодскі і Вялікаўсцюжскі Мелхісэдэк (Лебедзеў).

Далейшы яго архірэйскі шлях выглядае так:

Епіскап Ціхвінскай, вікарый Ленінградскай епархіі 24 кастрычніка 1965 года — 14 мая 1966 года

Архіепіскап Дзмітраўскі, вікарый Маскоўскай епархіі 14 мая 1966 года — 18 красавіка 1973 года

Мітрапаліт Берлінскі і Сярэднееўрапейскі 18 красавіка 1973 года — 10 кастрычніка 1978 года

4-ы Старшыня Аддзела знешніх царкоўных зносінаў Маскоўскага Патрыярхату 14 красавіка 1981 года — 13 лістапада 1989 года

37-й Мітрапаліт Мінскі і Слуцкі, Экзарх усяе Беларусі 10 кастрычніка 1978 г. — 25 снежня 2013 года

У цяперашні час знаходзіцца на пенсіі, але за ім захоўваецца званне Ганаровага Экзарха ўсяе Беларусі. Учора апублікаваныя Часопісы Сінода Беларускага Экзархата, які адбыўся 2 верасня г. г., якія былі зацверджаныя на праведзеным у Маскве пасяджэнні Сінода РПЦ. Як аказалася, у ім есць і такія рашэнні:

Святкаванне 50-годдзя архірэйскай хіратоніі мітрапаліта Філарэта, Ганаровага Патрыяршага Экзарха ўсяе Беларусі, на агульнацаркоўнае ўзроўні Беларускага Экзархата правесці 24-25 кастрычніка 2015 года.

Заснаваць Арганізацыйны камітэт па святкаванню 50-годдзя архірэйскай хіратоніі мітрапаліта Філарэта ў складзе: архіепіскап Навагрудскі і Слонімскі Гурый — старшыня; епіскап Слуцкі і Салігорскі Антоній, кіраўнік справамі Мінскай Экзархіі — намеснік старшыні; протаіерэй Мікалай Коржыч, сакратар Мінскага епархіяльнага ўпраўлення; іерэй Макарый Кавалеў, эканом Мінскага епархіяльнага ўпраўлення; Перченко Ілья Юр'евіч, супрацоўнік Мінскага епархіяльнага ўпраўлення.

Даручыць Арганізацыйнаму камітэту распрацаваць праграму святкавання юбілею і прадставіць на зацвярджэнне Патрыяршаму Экзарху ўсяе Беларусі ў тэрмін да 20 верасня 2015 года.

Аднак ні аб якой праграме святкавання юбілею царкоўнай і свецкай грамадскасці нічога невядома. Пра знамянальную дату на афіцыйным сайце БПЦ паведамілі толькі ў канцы дня святкавання. Чытачы сайта змаглі даведацца, што ў Дамавым храме Мінскага епархіяльнага ўпраўлення была адслужана літургія, за якой сумесна з мітрапалітам Філарэтам служылі іншыя беларускія і прыезджыя архірэі, у тым ліку і дзеючы Экзарх - мітрапаліт Павел. Але наўрад ці дастаткова келейное богаслужэнне (ў дамавым храме) можна лічыць адпаведным агульнацаркоўнаму ўзроўню.

З юбілейнай датай павіншаваў мітрапаліта Філарэта таксама кіраўнік беларускай дзяржавы А. Лукашэнка.