Усім вядомая малітва "О спасении России". Ёсьць яшчэ колькі падобных.
А як маліцца за Беларусь? Я ведаю толькі "Магутны Божа" (Натальлі Арсеньневай). Чуў недзе, што каталікі чытаюць яе нават у касьцёлах. Ці могуць яе выкарыстоўваць праваслаўныя?
Можа яшчэ якія малітвы ёсьць? Ці варта ствараць новыя?
Давайце маліцца разам!

калі наконт "Магутны Божа", то я супраць. мне некалі падабаўся гэты сьпеў, аднак даўно ўжо мне няёмка, калі яго сьпяваюць. прычынаў тут некалькі: 1) карціна Марачкіна "Магутны Божа", якая вісіць у выдавецкім адзьдзеле, і не пакідае сумневаў, што гэта за "божа" - дзядуля над снапамі ў промнях над галавой. дажджбог гэта ці ярыла - я не разьбіраюся, але...
2) мне не падабаецца зварот "Божа", бо ён занадта ананімна скіраваны. Я больш за "Гасподзь", "Хрысьце", "Айцец" і г.д., найменьні, якія паказваюць, што мы з Богам знаходзімся ў нейкіх стасунках.
3) ну і яшчэ хацела напісаць, што занадта заюзаная пёсэнка і спалітызаваная, як па мне, дык "Дай, Добры Божа" нашмат прыямнейшая.

што тычыцца самой ідэі такой малітвы, то мне здаецца і малітва "О спасеніі Россіі" папахвае "Русьсю дзяржаўнай" і такімі штукамі, здаецца, што зь Беларусьсю можа атрымацца тое самае. Кожная краіна, дзе ёсьць хрысьціяне, дзе зьдзяйсьняецца Боская літургія, - такая краіна не абдзеленая малітвамі. Хіба ж мы ня молімся "аб горадзе гэтым", "аб краіне гэтай" і г.д.?

калі ж ёсьць асаблівая патрэба памаліцца, то штосераду а 17-00 у петрапаўлаўскім саборы - малебен за беларускі народ з акафістам тром віленскім пакутнікам.

Я лічу, што палітыка шкодзіць веры.
Але партыятызм і вера - добрыя рэчы, і яшчэ лепш, калі яны спалучаюцца. Каб правільна любіць Бацькаўшчыну - трэба найперш баяцца Бога, а не людзей.
Таму я разумею рускіх, латышоў, амэрыканцаў, якія моляцца аб сваёй Айчыне. Гэта добра, і далёка не заўсёды гэта шавіністы. Калі ж беларусы ня моляцца за сваю краіну, дык ня трэба потым зьдзіўляцца, што народ тут бязбожны, ці жывём кепска, ці ўлада паганая.
Пакуль супраць "Магуты Божа" аргумэнты чыста эстэтычнага кшталту. Але ж праваслаўныя эмігранты ж яе выкарыстоўваюць. Чаму б і нам не рабіць гэтак жа?

у мяне быў дасьвед - пасьля беларускай літургіі звычайна сьпявалі "МБ", калі ж нейкі раз не сьпявалі - усе былі расчараваныя - быццам дарма на літургію схадзілі.
я не адна такая, каму здаецца, што "МБ" - сьпеў нехрысьціянскі. Калі камусьці ён падабаецца - я не замінаю сьпяваць, але сама стараюся як мага радзей.

Ніхто й не прапануе, каб "МБ" замяшчаў сабой Літургію ці іншыя малітвы.
Лепш спалучаць веру і патрыятызм, а не раз'ядноўваць гэтыя паняцьці.

я, напрыклад, да патрыятызма стаўлюся абыякава-тэрытарыяльна па-беларуску размаўляю, гісторыю ведаю, вёску беларускую люблю і горад у вільні была. што там яшчэ? а, крамбабулю ўмею варыць і крупнік.

што тычыцца малітвы за Беларусь, то я малюся, каб не было голаду, вайны, каб дэмакратыя была

я сябе ніколі не вызначаю, як патрыётку.

burbalka писал(а):

я, напрыклад, да патрыятызма стаўлюся абыякава-тэрытарыяльна ... я сябе ніколі не вызначаю, як патрыётку.

Вы нам тут лапшу на вушы ня вешайце!

burbalka писал(а):

па-беларуску размаўляю, гісторыю ведаю, у вільні была, крамбабулю ўмею варыць

У сёньняшняй Беларусі такія справы называюцца ня тое што патрыятызмам, а "оголтелым национализмом". А "Вільня, дэмакратыя" пахне "призывами к свержению" і г.д. А! Пра крамбамбулю забыўся... Слова-та якое белбурнацаўскае!
Такім чынам - Вы, шаноўная Бурбалка - беларуская партыётка. У перакладзе на расейскую мову - белорусская буржуазная националистка! Ды яшчэ з "религиозными предрассудками".

Малітва за Беларусь
Сусьветны Ўладару, спрадвечны Божа, Ты ўвесь сьвет стварыў і законы для ўсяго ўстанавіў, кожнаму месца прызначыў, а род людзкі так бяcконца палюбіў, што Сына Свайго Адзінароднага паслаў на зямлю, каб усе слухалі Ягоную навуку і, ідучы сьледам за Ім, увайшлі ў Тваё нябеснае валадарства. Мы, дзеці беларускага народу, як маглі, слухаліся Тваіх загадаў, але дзеля чалавечае слабасьці часта падалі і зьневажалі Цябе сваімі грахамі. Цяпер молім Цябе шчыра: даруй нам нашы правіны, нашу нядбайнасьць у адносінах да сябе і да іншых; даруй таксама тым, хто крыўдзіў нас і зьневажаў. Барані нас ад крыўды варожае і дай нам і ворагам нашым духа сапраўднае хрысьціянскае любові. Дай нам еднасьць веры, згоду ў грамадскім і сямейным жыцьці, загаі нашыя асабістыя і народныя раны душы, якія мы самі сабе ўчынілі, або ад непрыяцеляў атрымалі. У нашым штодзённым жыцьці асьвяці наш розум Тваім евангельскім сьвятлом, каб мы, захоўваючы Твае прыказаньні, перамагалі ўсе цяжкасьці і цярпеньні і заўсёды Цябе бласлаўлялі. Пашлі беларускаму народу ахвярных слугаў сваіх, якія праведным, сумленным і мудрым жыцьцём і дзейнасьцю вялі б яго да лепшае долі. Дай нам сьвятое духавенства. Блаславі нашы сем’і, каб у кожнай з іх дбалы бацька і ахвярная маці, злучаныя шчырай сьвятой любоўю, выхоўвалі Табе на славу, а Бацькаўшчыне на карысьць сваіх дзетак. Асаблівую ласку дай моладзі, каб яна атрымала глыбокае хрысьціянскае ўзгадаваньне і вырасла на карысных сыноў і дачок свайго народу.

Блаславі нашыя дачасныя дастаткі, ня дай гінуць марна тым талентам, якія Ты пасылаеш у наш народ, але дай ім свабодна разьвіцца і закрасаваць Табе на славу і ўсяму людству на карысьць. Блаславі працу сялянаў на ральлі, работнікаў у фабрыках, вучоных, пісьменьнікаў, мастакоў, каб з іхняй дапамогай беларускі народ мог разумна і прыгожа жыць і разьвівацца.

Цябе, Усячыстая Багародзіца і наша нябесная Маці, просім: пакрый нашую краіну Тваім сьвятым покрывам і будзь нашай апякункай і заступніцай. І ты, сьвятая Еўфрасіньня, асьветніца Беларусі, і ўсе сьвятыя заступнікі беларускага народу, маліцеся за нас няспынна, каб мы сталіся народам сьвятым, які выконвае волю Божую і сваё пасланство, і каб мы ўнесьлі свой уклад у агульнае дабро тут на зямлі, а ў прышлым жыцьці атрымалі вечнае шчасьце і няспынна аддавалі славу, пашану і пакланеньне Богу ў Тройцы адзінаму, Айцу, і Сыну, і Сьвятому Духу, цяпер і заўсёды, і на вякі вякоў. Амін.

(c) Грэка-каталіцкі малітоўнік “Божым шляхам”, а. Леў Гарошка, Рым 1946.

Velmi pryemna, shto znajshousia chalaviek, jaki vedaje malitvu za Belarus i vedaie, dze jaje mozhna uziac!!!

Грэка-католік,

а сваімі словамі ня каціць?

Alexx писал(а):

Усім вядомая малітва "О спасении России".

Ці сказана дзе ў Бібліі аб выратаваньні краін, а не асобных людзей?

Краін - можа і не, а вось народаў - колькі заўгодна.

Аляксандар,
уключае пошук па Бібліі - і знойдзеш месцы.

burbalka писал(а):

Аляксандар, уключае пошук па Бібліі - і знойдзеш месцы.

А ці не падкажаш па якім менавіта слове шукаць?

Cathleen писал(а):

Краін - можа і не, а вось народаў - колькі заўгодна.

Народаў?.. Ці ратуецца цэлы народ? Ці можна быть выратаваным толькі на выснове прыналежнасці да нейкага народа? Дзе пра гэта казаў Хрыстос? Ён казаў толькі пра АСАБІСТАЕ выратаванье, дзе будзе ўлічвацца АСАБІСТЫЯ дзеяньні і думкі, а не проста прыналежнасць да нейкай народнасці.
Усе ідэі пра выратаваньне цэлага народа не больш чым іўдэйскія байкі. Вы іўдэйка ці хрысціянка калі на тое пайшло?