Служба Святым Новомученикам и Исповедникам Белорусским

23-м Новомученикам и Исповедникам Минской Епархии

 

Навамучанікі Беларускія

(Недостающие седальны, икос (и славные стихиры) зри в минее общей, служба мученикам)

Тропарь, глас 5:

Соборе новомучеников и исповедников наших/ веру добре сохранивше / в терпениих , бедах и напастех яко столпи непоколебимыя устоясте / молите о нас веру непоколеблему соблюсти / и спастися душам нашим.

Кондак, глас 3:

Священномученицы земле нашея / в тяжких испытаниях победы знамя пронесосте / и венцы неувядаемии приясте./ Богу угодивше / о нас Христа молите да спасет души наша.

Величание

Величаем Вас священномученицы и исповедницы Христовы / и чтим святую память вашу / вы бо молите за нас Христа Бога нашего.

Стихиры на „Господи воззвах”, глас 4:

Священномученицы земли Белорусския,/ предстоя престолу Святыя Троицы,/ всегда молите за нас на земли сущих,/ ревностно сохраняти заповеди Божии,/ и терпение стяжевати во всех обстояниих/ и любовь нелицемерну обрести,// моля о спасении душ наших.

Пастырьми добрыми служивше на земли,/ мудре окормляли есте словесных овец,/ веру утверждали Православную/ нищия одевали, страждущии врачевали, голодные питали,/ закон Божия любве пастыря ко овцам соблюли // молите спастися душам нашим.

Пастыреначальнику нашему подобяся/ искренне служили есте ближним,/ страждущия окормляли,/ веру истинную яко щит сохраняли / и неувядаемый венец безсмертия обрели,// молите о спасении душ наших.

Слава и ныне… Догматик.

Стихиры на литии.

Стихира храма, таже святых, глас 1-й:

Первыя исповедницы страны нашея,/ кровьми своими землю обагрившия/ ныне предстоя пред Престолом Божиим// выну молите спастися душам нашим..

Слава и ныне. Богородичен.

Стихиры на стиховне, глас 5-й:

Священномученицы нашея земли,/ веру обретше и добре сохранивше,/ в терпениих, бедах и напастех яко столпи непоколебимыя устоясте/ образ верным преподасте/ молите о нас веру непоколеблему соблюсти// и спастися душам нашим.

Стих: Священницы Твои облекутся в правду и преподобнии твои возрадуются.

Имуще молитвенников необоримых/ молим вас недостойнии/ жизнь нашу умирити/ терпение и любовь к ближним стяжати/ и спастися душам нашим.

Стих: Воспойте Господеви песнь нову. Кровьми вашими земля наша напитася / и яко семя благоплодовитое / возрасти сыны и дщери благонравия / иже веру Православную укрепиша / храмы и обителя воздвигоша / и свет истины в крае нашем озариша.

Слава и ныне. Богородичен.

Канон:

(Святии новомученицы и исповедники земли Белорусския, молите Бога о нас)

Песнь 1-я:

Закон Божий зело возлюбив, добре его преподал слепым детем, укрепляя в них дух бодрости и смирения, отче Владимире, моли и за нас в терпении пронести все напасти мира сего.

Истины веры Православныя даяй учеником духовныя школы яко знамя победное пронесл еси их чрез свое житие, священномучениче Василие.

Приняв священный сан в годину тяжких испытаний, и за него от гонителей смерть, яко Иов мудре устоял во искушениях, отче Петре, священномучениче.

Богородичен:

Милостива быти верным и благоуветлива,/ Богомати, умоли Слова,/ Егоже родила еси телесно, к нам пришедшаго:/ Тя бо Предстательницу и спасение стяжахом.

Песнь 3-я:

В вере укрепляя паству свою, отче Валериане, заповеди Христовы соблюл еси даже до смерти.

Без боязни встал еси на защиту веру Православныя, священне Владимире, не убоявся сильных мира сего, глаголал еси истину Божию даже до крови.

Искренне служа Богу, священномучениче Иоанне, веру соблюл еси, неповинно прияв смерть от нечестивых.

Богородичен:

Песньми Пресвятую, вернии, Марию похвалим,/ Богоматерь обрадованную,/ покров Божественный, тихое пристанище,/ всех верных Предстательницу.

Песнь 4-я:

Неленостно служа Господеви, ревностно окормлял еси паству свою, отче Сергие, и мученически почил еси в Бозе.

Видя врага лютаго ополчившагося на Церковь Православную истово призывал еси свою паству к покаянию и обрел еси покой в чертозех небесных.

Подобяся мученику Лукиану, израненный от иудея, свою последнюю Божественную Литургию совершил еси лежаще у Престола в Светлое Христово Воскресение и обрел еси покой в Царствии Небеснем, священномучениче Михаиле.

Богородичен:

Умерщвлена мя древле, к жизни, Пречистая, паки возвела еси,/ едина Ипостасную Жизнь рождшая,/ Ейже приразившися, расторжеся яве врождебнейшая смерть.

Песнь 5-я:

Подобяся пастырю доброму положил еси душу свою за овцы пожити своея, отче Порфирие, моли о нас Господа славы, дабы мы твердо сохраняли веру Православную во все дни жизни нашея.

Ангельским чином облекся, не убоялся еси обличити безбожную власть, отче диаконе Николае, темже сном праведным уснув, быв убиен.

С молитвою на устах приял еси смерть от безбожных, отче Михаиле, ревностно служа Богу, и ближним и мирно упокоился еси с праведными в лоне Авраамове.

Богородичен:

Возсияла еси Богомати, яко утро,/ Солнце незаходимое, соединеное плотию, по Ипостаси,/ на руку носящи, Истинныя Правды:/ тем Тя вси прославляем.

Песнь 6-я:

Смело и решительно пред всеми людьми исповедав веру во Христа Иисуса, мученически почил еси в Бозе, священномучениче Николае.

Ревностно служа на слуцких землях призывал еси небоязненно исповедати веру во Спасителя, и мужественно встретил смерть, отче Иоанне.

Верно служа Богу на минских и тверских землях кровию своею запечатлел еси пастырское служение, священномучениче Димитрие.

Богородичен:

Душ очищение и спасение Ходатаица еси,/ верою Тя и любовию, Божию Матерь, возвещающим/ и Сыну Твоему согласно зовущим:/ благословен еси, Боже отец наших.

Песнь 7-я:

Духовно окормляя измученныя войною люди и воины, несл еси живое, вдохновенное слово пастыря церкви Христовой и мученически пострадал еси за веру, отче Иоанне.

Претерпевая страдания, не отреклся еси от веры Христовой, отче Леониде, сохранив верность Господеви даже до смерти.

Заботлив пастырь и усерден молитвенник явился еси, отче Александре, и за веру Христову убиен бысть.

Богородичен:

Моли присно Сына Твоего и Бога нашего,/ Неискусобрачная Марие Чистая,/ низпослати нам верным милость.

Песнь 8-я:

Мужественно сохраняя веру православную, истово окормляя паству свою, священномучениче Владимире, совесть сохранил еси целу и неповрежденну и принял смерть от безбожных.

В житиях святых навыкл еси ревности Божией, отче Димитрие, еюже возшел еси в селения райская.

Единолично духовно окормляя копыльскую землю, претерпев надругания и насмешки, веру соблюл еси, не убоявся мучителей беззаконных.

Богородичен:

Безсеменно зачала еси, Богоневесто, Спаса и Господа,/ избавлющаго ны от тли,/ Тя воистинну песнословящия.

Песнь 9-я:

Первым летописцем страданий духовенства в годы большевитского лихолетья явился еси, отче архимандрите Серафиме, и сам положил еси живот свой за веру и други своя.

Издетства испытав крайнюю тяготу нищеты, став пастырем, ревностно служил еси приходящим к тебе, отче Матфее, и мученически упокоился еси.

Священномученицы Белорусския, земли молите Троицу Святую, о нас на земли сущих, дабы и мы во всех кознех диавола и мира сего сохранили ревность о Бозе во вся дни жития нашего.

Богородичен:

Бога, егоже родила еси, Чистая Дево, Сего умоли, рабом Твоим даровати согрешений прощения и противных избавление.

Стихиры на хвалитех, глас 8-й:

Благодатью священстваоблекшеся / пастырьми добрыми явистеся / кротость и терпение стяжавше / любовь ко Христу сохранисте,/ священномученицы земли нашея,/ молите за чада ваша / да в терпении и правде Божией обрящем спасение душам нашим (дважды).

Имуще пастырей неусыпных в молитвах,/ просим вас страдальцы наша / укротите раздирания церкви Христовой / угасите шатания языческая / и испросите у Господа славы / даровати земли нашей отишие / мир и велию милость.

Священномученицы земли Белорусския / чтуще вас мы недостойнии / просим усердно в скорбех и печалех пребывающим / даровати нам ревность и любовь Христову / и спасти души наша.

Слава и ныне, глас тойже:

Владычице, приими молитвы раб Твоих и избави нас от всякия нужды и печали.

Тропарь, глас 5:

Соборе новомучеников и исповедников наших,/ веру добре сохранивше / в терпениих, бедах и напастех яко столпи непоколебимыя устоясте / молите о нас веру непоколеблему соблюсти,/ и спастися душам нашим.

Кондак, глас 3:

Священномученицы земли нашея / в тяжких испытаниях победы знамя пронесосте / и венцы неувядаемии приясте / Богу угодивше // о нас Христа молите да спасет души наша.

Величание:

Величаем Вас священномученицы и исповедницы Христовы / и чтим святую память ваш / вы бо молите за нас / Христа Бога нашего.

Прокимен на Литургии мчч. общ. гл. 4 «Святым Иже Суть…» Ап. Рим. 99 Ев. от Мф. 36.

Рубрыка: