Бюст з ранейшага высокага месца перад капліцай перамешчаны на задні і нізкі план. Тым не менш, помнік Сталіну застаўся каля капліцы, тады як выканаўчы дырэктар комплексу Аляксандр Мятла сцвярджаў, што ен побач з ёй стаяць не будзе.
У ходзе пілігрымкі удзельнікі пабывалі на розных месцах евангельскай гісторыі, а таксама прайшла ўрачыстая святая Імша для беларускіх пілігрымаў, падчас якой адбылося асвячэнне памятных табліц «Magnificat» і «Benedictus» з надпісамі на беларускай мове.
Канцэпцыю будаўніцтва каталіцкага касцёла Ўнебаўзяцца Найсвяцейшай Панны Марыі ўхваліла абласная архітэктурна-горадабудаўнічая рада пасля грамадскага абмеркавання праекта, па выніках якога большасць падтрымала ідэю будаўніцтва храма. Асвяціць першы камень на месцы будаўніцтва касцёла папросяць Папу Францішка.
Папа Францішак звярнуўся з заклікам да парафій, рэлігійных супольнасцяў, кляштараў і санктуарыяў ва ўсёй Еўропе прыняць па адной сям’і бежанцаў. Дзве сям’і ў бліжэйшыя дні будуць таксама прыняты двума ватыканскімі парафіямі. “Міласэрнасць Бога распазнаецца праз нашы ўчынкі, як сведчыла жыццё бл. Маці Тэрэзы з Калькуты, чарговую гадавіну смерці якой мы адзначалі ўчора”, - сказаў Францішак 5 верасня 2015 г. пасля марыйнай малітвы “Анёл Панскі”.
Фільм «Кірыл і Мятод» чэшскіх рэжысёраў Атакара Шмідта і Яны Струднічкавай заваяваў Гран-пры XI Міжнароднага каталіцкага фестываля хрысціянскіх фільмаў і тэлепраграм «Magnificat».
2 верасня ў будынку Мінскага епархіяльнага ўпраўлення прайшло чарговае пасяджэнне Сінода Беларускай Праваслаўнай Царквы (Беларускага Экзархату РПЦ), на якім беларускім епіскапам быў прадстаўлены ігумен Васіян (Змеяў), прызначаны прадстаўніком Патрыярха Маскоўскага і ўсяе Русі ў Беларускім Экзархаце.
З уводам у эксплуатацыю новага будынка Духоўна-адукацыйнага цэнтра побач з Мінскім кафедральным саборам завяршыўся пераход Мінскай духоўнай акадэміі з Жыровічаў у сталіцу.
У сувязі з заснаваннем прадстаўніцтва Патрыярха Маскоўскага і ўсяе Русі ў Беларускім Экзархаце ў г. Мінску і згодна з адпаведным указам Патрыярха Кірыла на пасаду прадстаўніка Патрыярха Маскоўскага і ўсяе Русі ў Беларускім Экзархаце прызначаны ігумен Васіян (Змеяў).